گریجویٹ کورسز میں تقریباََ 2000نشستیں بڑھائے گی دہلی یونیورسٹی

دہلی یونیورسٹی کے گریجویٹ کورسز میں داخلے کے خواہش مند طالب علموں کے لئے ایک اچھی خبر ہے کہ یونیورسٹی اپنے مختلف گریجویشن کورس میں تقریباََ 2000نشستیں بڑھانے پر غور کر رہا ہے،اگرچہ ایسا امکان ہے کہ نشستوں کی تعداد میں اضافہ اگلے تعلیمی سیشن سے ہوگا نہ کہ اس سیشن سے، جس کے لئے اس ہفتے داخلہ شروع ہو جائے گا۔یونیورسٹی کے وائس چانسلر دنیش سنگھ کی طرف سے کورس کے انتخاب کے لئے گزشتہ ہفتے تشکیل دی گئی 14رکنی مقامی کمیٹی کے رکن پروفیسر نچکیتا سنگھ نے کہاکہ بیچلر آف بزنس اسٹڈیز (بی بی ایس)اور سوشیالوجی جیسے کچھ مقبول کورس کچھ ہی کالجوں میں ہیں۔کمیٹی نے آج



مزید کالجوں میں ان کورسز کو شروع کرنے کی منظوری دے دی،حالانکہ انہوں نے کہا کہ یہ اضافہ 2015-16سیشن سے نہیں بلکہ اگلے تعلیمی سیشن سے مؤثر ہوگا۔موجودہ سیشن کے لئے 28مئی سے داخلہ شروع ہو جائے گا۔انہوں نے کہا کہ مستقل کمیٹی کی منظوری کے بعد کورس کے لئے دو قانونی اداروں یونیورسٹی کے تعلیمی کونسل (اے سی)اور ایگزیکٹو کونسل (ای سی)کی منظوری لازمی ہوگی۔سنگھ نے کہا کہ چونکہ 2015-16سیشن سے پہلے دونوں کونسلوں سے تجویز کو منظوری دلانے کا وقت نہیں بچا ہے، ایسا اگلے سیشن سے ہونے کا امکان ہے۔انہوں نے کہا کہ لیکن اس سیشن سے ہی یہ شروع کرنے کے امکان پر بھی کام کیا جا رہا ہے۔اس اقدام سے تقریبا 2000نشستیں بڑھیں گی۔